Escolares de 5º, 6º de primaria e da ESO realizaron a peregrinación dun tramo da primeira etapa do camiño inglés cos seus respectivos titor@s.
Dende o peirao de Curuxeiras en Ferrol, ata o monasterio de S. Martiño do Couto en Xubia, peregrinaron a bo ritmo un centenar de escolares os 10 km previstos para despertar o interés pola nosa ruta xacobea e vivir en primeira persoa a experiencia do camiño.
Culminaron así as actividades iniciadas durante este mes de outubro propostas pola Fanpa Ferrolterra «Concepción Arenal» dentro do programa «O teu Xacobeo», iniciativa co fin de dinamizar o noso camiño inglés.
