1.O Colexio «Valle-Inclán I»,empresa educativa con personalidade xurídica propia,mantén os Principios fundamentais sintetizados no pesente Documento, nos que se inspiran tódalas súas actividades educativas, co obxetivo de asegurar ós seus alumnos unha formación personalizada, coherente e completa.

2.Os pais dos alumnos, os profesores, o persoal non docente e os mesmos alumnos, no seu caso, aceptan libremente e comprométense a manter este modelo educativo que sostén valores da cultura e da convivencia social.

3.O Colexio «Valle-Inclán I», realiza un servicio de interese social, contribúe a satisfacer necesidades escolares e fai posible o exercicio do dereito dos pais a escoller para os seus fillos un determinado modelo de educación.

1. O Colexio «Valle-Inclán I» trata de consegui-la educación personalizada de tódolos seus alumnos, para que cada un alcance o máximo desenrolo da súa capacidade, forme o seu criterio e alcance a madureza e coñecementos necesarios para toma-las suas decisións libremente.

2. O Colexio «Valle-Inclán I» respecta as peculiaridades orgánicas e psicolóxicas de cada sexo, en absoluta e estricta igualdade de dereitos.

3. Persíguese unha formación completa, que atende os aspectos intelectuais, técnicos, culturais,deportivos, estéticos e sociais.
Tódalas actividades educativas procuran o desenrolo do sentido da responsabilidade, que faga posible o exercicio da liberdade persoal.

4. O proceso educativo procura o esforzo e o estudio persoal de cada alumno.O traballo en equipo, os encargos e outras actividades de servicio mutuo facilitan a colaboración entre profesores e alumnos, como dos alumnos entre eles.

5. Fomenta-lo cultivo das vivencias prácticas de puntualidade, orde, limpeza, coidado das cousas materiais, etc.é dicir , calidade humana nas maneiras externas de comportamento para lograr un adecuado ámbito de convivencia.

6. Cada un dos alumnos será atendido persoalmente por un profesor-titor, que coordenará os estímulos educativos dirixidos ó educando:Ocuparase especialmente da súa orientación persoal e profesional, sempre en contacto cos pais.

7. A natureza xurídica do Colexio é estrictamente civil, respectando en todo momento a liberdade das conciencias.

8. O Colexio «Valle-Inclán I» incorpora nos seus programas educativos, os valores culturais xenuinos da Comunidad Autónoma de Galicia, colaborando nas iniciativas educativas culturais que realicen os organismos administrativos da Comunidade.

9. O Colexio » Valle-Inclán I» ofrece os servicios dun Colexio bilingüe galegocastelá, que imparete os ciclos seguintes: educación Infantil(2º ciclo), Educación Primaria e Educación Secundaria.

10. A normativa de convivencia e as intruccións de disciplina escolar teñen como finalidade o desenrolo da responsabilidade persoal. Están enmarcadas nun ambiente de confianza mutua. As correccións que resulten necesarias para que os alumnos corrixan a súa actuación: Considéranse só os estímulos positivos que axuden ó alumno a mellora-lasúa conducta.

1. O goberno do Centro corréspondelle á titularidade, no respeto á Lexislación vixente. A titularidade delega determinadas funcións no Equipo Directivo do Colexio, responsable da coordinación e organización das actividades educativas.

2. O Colexio «Valle-Inclán I», promove a participación dos país, dos profesores, do persoal non docente e dos alumnos no desenrolo da vida do Centro, sempre de acordo co establecido pola Lexislación vixente e polo Regulamento do Réxime Interior do Colexio.

1. A petición de admisión dun alumno presupón o coñecemento e aceptación destes Principios, que serán expostos pola Dirección a cada pai/nai.

2. A educación que ofrece o Colexio considéranse como delegada e colaboradora, non sustitutiva, da educación familiar, posto que a principal responsabilidade da formación dos fillos corresponde sempre ós pais. Por tanto o Colexio estimula ós pais a manter unha estreita e frecuente relación co Centro.

3. A Entidade titular e a Dirección do Centro fomentan a participación dos pais de alumnos , a través da A.P.A. e as demáis canles establecidas no organigrama do Colexio.

1. O profesor desenrolará o seu traballo educativo de acordo cos Principios Básicos, que resumen o moldelo educativo do Colexio e coas instruccións da Dirección.

2. No Colexio «Valle-Inclán I», cada profesor é un educador. A súa principal tarefa é a de estimulalo traballo e a formación persoal dos alumnos, especialmente cando é o encargado da titoria do grupo.

3. O persoal non docente colabora co séu traballo na consecución dos fins educativos do Colexio.

Considérase a educación como un perfeccionamento intencional das facultades específicas do individuo, ó que deben contribuir tódolos membros da comunidade educativa-alumnos, profesores, persoal non docente e pais do Colexio «Valle-Inclán I».