Hoxe tivemos a visita de Miguel Anxo Romero, o autor de «Unha ollada a Viladoce», libro agasallo para a rapazada de 3º de primaria que dende o Concello de Ferrol tivemos a sorte de recibir, en concreto dende a Concellería de Mercados e Consumo.
O libro de Miguel Anxo está ilustrado por Leandro Lamas e trata sobre a importancia de manter unha alimentación saudable baseada no produto local de proximidade e a necesidade de coidar e respectar o noso entorno a partir de pequenos xestos, como separar o lixo ou facer un uso responsable da auga ou da enerxía. o libro, ademais, contén varias actividades para traballar na aula.
